ಕಾಡು ನಾಡಾದರೆ....!!!!!

                               

ನವಿಲೊಂದು ನಿಂತಿತ್ತು ಇಂದು ಎನ್ನ ಮುಂದೆ ,
ಅದನ್ನ ನೋಡಿ ಎನ್ನ ಮನ ಅತ್ತಿತು !
ಕಾಲವೊಂದಿತ್ತು ನಾ ನವಿಲ ಕಂಡರೆ ಜಿಗಿಯುತಿದ್ದೆ

ಆ ಹರುಷ ಇಂದು ಎನ್ನಲ್ಲಿ ಮರೆಯಾಗಿತ್ತು !


ಎರಡು ಮೈಲು ದೂರದಲ್ಲಿದ್ದ
ಮಯೂರನ  ಕಂಡರೆ ಕಣ್ಣಿಗೆ ಹಬ್ಬ !
ಇಂದು ಎರಡು ಹೆಜ್ಜೆ ದೂರವಿದ್ದರು,
 ನೋಡಲು ಒಲ್ಲೆ ಎಂದೆ !

ಮುಂಗಾರು ಮಳೆಗೆ ಗರಿಬಿಚ್ಚಿ ,
ನಲಿಯಬೇಕಿದ್ದ ನವಿಲು,
ಇಂದು ಗರಿಯ ಮುದುರಿಕೊಂಡು ,
ಅತ್ತ ಇತ್ತ ನೋಡುತ್ತಿತ್ತು !

ಕಾಡು ನಾಡಾಗಿ ಮಾರ್ಪಾಡಾಗಿತ್ತು,
ತನ್ನ ಕಾಡ ಬಿಟ್ಟು ,
ನಾಡಿಗೆ ಬಂದ ನವಿಲು ಇಂದು ,
ಅನಾಥವಾಗಿತ್ತು !!!